عشرتك روحــي صَـــــــــدگ .. ماتملها
وگلبي أيام سعـــــــدك .. ماتملها
أريد انصــــب لروحــــــــــي .. مأتم ألها
وأشوفك هم تجي وتبچي عليه ؟
لو مرة تمــــــــــر مثـــــــل .. الشماتة
وأنا لنحرك ولك يسمــــر .. شماتة
ولك مغـــرور گالولــــــــــي .. بشماتة
صحيح أبشامتك تنغر عليه ؟
لو تذكـــر رباي ويــــــــــاك .. والعـــن
ولا تنغر علــى اللي بيــــــك .. والعـــن
فرضنا لو اسبـــــــــك حيل .. والعــــن
هم أبغيض وك تزعل عليه ؟
لو تعرفني احبــــــــــــــــك .. واشتمنك
ولأن منطـــي للواشــــــــي .. وشتمنك
أريد اليـــوم أحضنك .. واشتمنك
وأشوفك هم تذب روحك عليه ؟
لو رأساً تگلـــــــي أرجوك .. هدنـــه
وتعاركنـــي وتريــد انــوب .. هدنـــه
ولك والله العشــــگ وياك .. هدنــــه
مريض أنه تعال اسأل عليه ؟
وشوف اشلون حالـــــي .. منتسلنـي
ولكن سيف صًّــــــــــدگ .. منتسلني
الدمع يغلب جوابـــــــــي .. منتسلني
اضحك بالچذب غصبن عليه ؟
لأن ماريــد أشوفك يـــوم .. حزنــــي
وتدري أبسيف هجرك ولك .. حزني
گلبك أنت وحدك إلي .. حزني
و ( حيازة وحمل ) سلمتك بدية
البجفك جروحي ماشفتها
وتغض العين جنك ماشفتها
ابكيفك هاك روحي وماشي فتها
او ولا كلك خيالك بعد ضل بيه
وضميرك عافني وللصنم ضل بيه
كطع دكاته كلبي عليك ضل بيه
الحزن وشلون بعدك ماتضعضع
اقتنع يسمع كلامك ماتضع ضع
لان مادره بكلبك مات ضاع ضاع
الوفه بيه والمصايب بيها منه
وبعده اختلف وضعك بيه امنه
واذا صارت عشرتك بيهه منه
عليه وطلع حجيك غير اسطره
ولا تنثر بغيضك غير اسطره
وعلي لو ردلي كلبك غير اسطره
اعله خشمه ولا يرد مغلوب داساك
وحدر عيون جرحي الظيم داساك
مالوم الجدم لو يوم داساك
كره غيض البكلبك من عرفتك
عليه وحال جرحي من عره فتك
اذكرك لون ناسي من عرفتك
جنت تمسح دموعي وراحملها
وبديك الروح ضاعت راحملها
العشره وياك صدك راح املها
لان كلبي اعله مودك مات بعده
عمري وسيف غيضك ماتبعده
عليه وحال كلبك مات بعده
واذا عايش بهجراني ترس بيه
وظميرك شال كل حملك ترس بيه
شليلي وصحت اجه سهمك ترس بيه
كسر ضلعين بيه وكسر ظهراي
وتوضح للشماته وبان ظهراي
بعدها تشوف راح نجوم ظهراي
لأنك هذا طبعك مابغيره
ابكثر ماجيك جدمي مابي غيره
تبين هسه كلبك مابيه غيره
سنين ومانفع وياك نصحاي
وبعد ماشوف نتوالم ونصحاي
صار الكلب نص ميت ونص حي
وماتنحل قضيتك فاتحلها
وجنت بيبان كلبي فاتحلها
عدل ولروحي تنصب فاتحلها
وتورج الناس وبحالي تسلها
العرف ضيعته والوادم تسلها
عني وباشط سيوفك تسلها
وحلفت الهم تكصلي اثنين اديه
تحياااااااااااتي الكم زوزو موم تنسون كتبو شكر من تخمطون
السبت مايو 16, 2009 6:06 pm