السلام عليكــم
اليوم كــان في لقــاء للنجم بشار القيسي على قنــاة أغانينـا
في برنامج (وجهـا لوجـه) مع المذيعة رويدا شاهين
وكان في حديث عن شذاوي ومضمونـه هو:
رويدة : بشار نسمع هواية من المقربين الك ومن اصدقاءك انه شذى نست الي سويته وياها ونست بشار حتى لما تكون بنفس البلد اللي انت موجود بيه متعزمك والاصح انها لما تسوي حفلة لازم تكون اول طاولة الك
بشار : اني تربطني علاقة جدا جميلة بشذى حسون وصح معاج حق هواية اسمع من اشخاص مقربين هالكلام بس كل فنان عنده ظروفه وحياته وتكلم ايضا عن انه يعرف شذى قبل الاكاديمية في حفل صار بالمغرب
وقال هي ملكة فراشة مثل مايسموها جمهورهـاا انسانة طيبة جدا وصديقة عزيزة جدا
رويدة : سمعت معلومة ماادري اذا صح او غلط انه انت اللي قنعت القناة انهم يسوون لها حملة بوقت ستار اكاديمي وقصدهـا بالقناة هي (الشرقية)
بشار : صح اني اللي جنت اتكلم معاهم ومجانوا يوافقون لان هية ماراح تفيدهم
لاموقعة عقد وياهم وماراح يرجعلهم بفايدة يعني
بس اني جنت جدا متفاؤل بأنها ممكن تأخذ اللقب
وضليت واصريت واقتنعوا لما وصلت شذى للمراحل الاخيرة من البرنامج وصار اللي شفتوه
وشذى على فكرة مجانت تعرف اني مسويلها حملة او شي الا بعد ماطلعت بفترة وارتاحت وشكرتني هواية وهي صديقة عزيزة جدا
رويدة : هل صحيح جنت تدعمها لانه جانت تربطكم علاقة وتقصد بـ علاقـة معناها (علاقة عاطفية)
بشار : لا اكيد ماكو شي غير الاحترام والصداقة النظيفة بيناتنا
ولو اكو شي اني اول واحد يطلع يكول عندي علاقة بشذى
رويدة : ماكو فنان يعترف انه يحب شخص من مجال الفن ومعروف
بشار : هذولة بس الفنانين اللي بينهم علاقة وسخة ومايحبوا تطلع للعلن
واني تربطني بشذى علاقة صداقة محترمة جدا
هذا تقريبا كل اللي تحثوا بيه
تح ياتي
الأحد مايو 17, 2009 4:57 pm